Awal mula katong baku dapa di David tamang Naldo pung rumah (di dapor 🤭), waktu itu dong ada acara bakar-bakar ikan, mulai dari situ David mulai curi-curi pandang, trus David mulai minta Della nomor whatsapp dari Naldo, lebih tepatnya minta di Claudia, Naldo pung istri, karna Della ni Claudia pung bestie krass, deng Della jua jadi saksi nikah par Naldo deng Claudia, lalu skarang dong 2 yang jadi jembatan cinta par katong 2.

David whatsapp Della ajak telfonan, karna asik bicara katong 2 seng sadar kalo su baku telfon paling lama dari jam 7 sore sampe jam 7 pagi, dari telfon itu David mulai ungkapkan dia pung perasaan par Della, lalu ajak untuk menjalin hubungan yang serius, dan disitu Della jua terima ajakan itu.

Dari katong 2 pung perjalanan kisah cinta yang panjang itu, katong mulai berencana untuk beranjak ke jenjang yang lebih serius, dan David bertekad maso minta Della di tanggal 22 Desember, karna David mau hadiah terindah di dia pung hari ulang tahun.